Бишкектеги темир жолдун жанынан азиат улутундагы, 40-45 жаштардагы адамдын жансыз денеси табылды (фото нерви жукаларга сунушталбайт)

Бүгүн, 18-ноябрда саат 08:00 чамасында Бишкек шаарынын Ала-Тоо конушундагы темир жолдун жанынан азиат улутундагы, 40-45 жаштардагы белгисиз адамдын жансыз денеси табылды. Бул тууралуу шаардык милициянын басма сөз кызматы билдирди.

Алдын ала маалыматтарга ылайык, ал мыкаачылык менен өлтүрүлгөн. Ленин райондук милициясынын кызматкерлери аны өлтүргөн адамдарды издөө боюнча ыкчам иликтөө амалдарын жүргүзүшүүдө. Мындан улам милиция маркумдун өздүгүн аныктоодо жарандардан жардам сурап жатат. Эгер ал жөнүндө кандайдыр бир маалыматка ээ болсоңуз, (0553) 102-359, (0551) 102-233 телефон номурлары аркылуу кайрылышыңыз керек. Милиция купуялыкты сактоого кепилдик берет.