Иорданияга каршы оюнда кыргыз футболчусу Антон Землянухин мыкты оюнчу болуп табылды

17-ноябрда кыргыз футболчулары Дүйнө чемпиондугунун тандоо турунда Иордания курамасын 1:0 эсебинде утуп алышты. Дөлөн Өмүрзаков атындагы стадиондо өткөн оюнга 14 миң күйөрман күбө болду. Оюнда 90 мүнөт ойноп, команданын оюнуна бир топ артыкчылык алып келген Антон Землянухин 48-мүнөттө жеңиш голун киргизди. Жыйынтыгында оюндагы мыкты оюнчу болуп дал ушул футболчу табылды. Буга чейин Антон Бишкекте өткөн 2 оюнда (Бангладеш жана Тажикстанга каршы оюндар) мыкты футболчу болуп табылган.
Кошумчалай кетсек, беттештин мыктысын 2 команданын машыктыруучулары атап беришет.