Супер-Инфо
super.kg видео
ЭЛДИК КАБАР: Кызыл-Суу айыл аймагындагы жарым-жартылай кулаган үйлөр (фото)
17-18-ноябрь күндөрү Ош облусунда 3 ирет болгон жер титирөөдөн Кызыл-Суу айыл аймагындагы бир катар үйлөр зыянга учурады. SUPER.KG`нин окурманы жарым-жартылай кулап калган үйлөрдүн абалын көрүп, алардын сүрөттөрүн WhatsApp аркылуу жиберди.
ӨКМнын маалыматына таянсак, учурда Кызыл-Суу айыл аймагындагы Чайчи айылында, Катта-Талдык айыл аймагындагы Талдык айылында, Кашкар-Кыштак айыл аймагындагы Бек-Жар айылында, Нариман айыл аймагындагы Каратай, Лангар айылдарында, Мады айыл аймагындагы Лаглан жана Тээке айылдарында тактоо иштери жүргүзүлүп жатат.
Саат 14:00гө алдын ала алынган маалыматтар боюнча, Чайчи айылы боюнча 59 турак жай текшерилди. 6 турак жай жарым-жартылай кыйраган болсо, 30у авариялык абалда, 8и капиталдык оңдоп-түзөөгө муктаж, 15и канааттандырарлык деп табылды. Ал эми Тээке айылында 51 турак жай текшерүүгө алынды, авариялык абалда турак жайлар жок, 11 турак жайдын дубалдарында жаракалар пайда болгон.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
0
Туура айтас эн биринчи байлык ден соолук