ОшМУ менен Анкара университети кызматташтыкты улантат

Ош мамлекеттик университетинин ректору менен Түркиянын Анкара университетинин ректору кызматташтык боюнча бир катар келишимдерге кол коюшту. Бул келишимдер ОшМУнун ректору Каныбек Исаковдун Түркияга болгон иш сапары учурунда ишке ашкан. Эки ректордун жолугушуусунда кыргызстандык студенттердин илимий изилдөөсүн, студенттер менен окутуучулардын тажрыйба алмашуу иш-чарасын Анкара университетинде уюштуруу, магистратура жана докторантура боюнча кызматташтык тууралуу макулдашуулар орун алды. Белгилүү болгондой, 20 жылдык кызматташтыкта ОшМУнун 400дөй студенти Анкара университетинен билим алышты. Учурда аталган университетте кыргызстандык 56 студент окуп жатат.