Бишкекте биринчи жолу “Боорсок” сынагы өттү

Бүгүн, 11-мартта Бишкекте биринчи жолу Нооруз майрамына карата кыргыз элинин улуттук тамагы болгон боорсок сынагы өттү. Иш-чарага 12 команда катышып, боорсоктун түрлөрү коюлду. Мыктыларын Бишкек шаарынын вице-мэри Айгүл Усубакунова, шаардын маданият жана туризм башкармалыгынын башчысы Малдыбай Кайыпов, коомдук ишмер Бектемир Мурзубраимов, “Кыргыз тил” коомунун президенти Райымжан Курбанов сыяктуу адамдардан түзүлгөн калыстар аныкташты. 1-орунду борбордогу №9-“Алмаз” бала бакчасы, 2-орунду №10-“Келечек” балдар бакчасы, 3-орунду “Боорсок” кафеси ээледи. Сынактын жеңүүчүлөрүнө Мамлекеттик тил боюнча улуттук комиссия тарабынан грамоталар жана баалуу белектер тапшырылды. Алдынкы орунду алгандар 21-март - Нооруз күнү өтө турган республикалык деңгээлдеги “Боорсок” сынагына катышууга укук алышты. Айта кетсек, бул саамалык КРнын Президентине караштуу Мамлекеттик тил боюнча улуттук комиссия жана Бишкек мэриясы тарабынан уюштурулду. 

9-сүрөттөгү №9-“Алмаз” бала бакчасы 1-орунду

3-cүрөттө  №10-“Келечек” балдар бакчасынын боорсогу  2-орунду  

12-сүрөттөгү “Боорсок” кафесинин нандары 3-орунду ээлешти.