Борбор шаарда "Жасайбыз!" аттуу акция болот

16-мартта борбор шаардын тазалыгы үчүн "Жасайбыз!" аттуу акция өтөт. Иш-чара саат 10:00дө, Биринчи Май районунун аймагындагы Профсоюз жана П.Лумумба көчөлөрүнүн кесилишинен башталмакчы. Бишкек шаардык мэриясынын басма сөз кызматы билдиргендей, акцияга бардык каалоочулар катыша алат. Саамалыкка аталган райондун кызматкерлери да катышып, бир нече аймактарда жазгы тазалоо иштерин жасашат. Бул демилге "Колубуздан келет!" жарандык экологиялык кыймылы тарабынан көтөрүлдү.