Жумгалда аң уулоого чыгып дайынсыз жоголгондордун бири кар астында тоңуп каза болду, экинчи адамды издөө уланууда

Жумгал районунда аң уулоого чыгып дайынсыз жоголгондордун бири кар астында тоңуп каза болду, экинчи адамды издөө уланууда. Бул тууралуу Өзгөчө кырдаалдар министрлигинин басма сөз кызматы 23-ноябрда билдирди.

Маалыматка караганда, ӨКМнын Нарын облустук башкармалыгына 20-ноябрь күнү Жумгал районунда аң уулоого чыгып дайынсыз жоголгондор тууралуу маалымат түшкөн. Анда Миң-Куш айылынын беш тургуну аң уулоого Миң-Бугу аймагына чыгып, кайтып келе жатканда экөөсү башка жол менен барабыз деп бөлүнүп, ошол бойдон дайынсыз болуп жаткандыгы айтылган.

Бүгүн, 23-ноябрда издөө үчүн жоголгон адамдардын туугандары жана айыл тургундары болуп жыйырма адам саат 01:30 чамасында чыгып, жоголгондордун биринин кар астында тоңуп каза болгон жансыз денесин Миң-Бугу жайлоосунун Зындан аймагынан табышкан. Экинчи адамды издөө иштери уланууда.