Кытай өлкөсү Ош шаарына жаңы оорукана курууга 7 миллион доллар бөлөт

Кытай өлкөсү Ош шаарына жаңы оорукана курууга 42 миллион юань каражат бөлүп берет. Бул тууралуу бүгүн, 12-мартта ЖКнын Социалдык саясат боюнча комитетинин жыйынында Саламаттыкты сактоо министринин орун басары Марат Калиев билдирди.

Анын айтымында, Кыргызстан Кытайдан 2010-жылда болгон түштүктөгү окуялардан кийин жардам сураган.

“Кытай биздин кайрылууга жооп кайтарды. Аталган өлкө 42 миллион юань же 7 миллион доллар бөлүп берет. Ал эми 150 адамга ылайыкталган оорукананын долбоору иштелип чыгып, башталуу алдында турат”,- деди министрдин орун басары.