Жалал-Абаддагы митинг токтотулду

Депутаттар Камчыбек Ташиев, Садыр Жапаров жана Талант Мамытовду бошотуу талабы менен Жалал-Абад шаарында өтүп жаткан митинг бүгүн, 12-мартта токтотулду. Чогулгандар аталган депутаттарга карата соттун өкүмү чыккыча үйлөрүнө таркашты. “Камчыбек Ташиевдин кайрылуусуна ылайык, биз митингди убактылуу токтотобуз. Бирок партиянын штабы иштейт”,- деди "Ата Журт" партиясынын аталган облустагы координатору Жеңишбек Токторбаев. Айта кетсек, Камчыбек Ташиев митингдерди мыйзам чегинде гана өткөрүү боюнча тарапташтарына кайрылуу жасаган.