Эң көп нускалуу "Супер-Инфо" гезитинин эки кабарчысы адам укуктарын чагылдыруу боюнча мыкты журналисттик иликтөө үчүн өткөн сынакта сыйга татышты

Эң көп нускалуу "Супер-Инфо" гезитинин кабарчысы Асхат Субанбеков адам укуктарын чагылдыруу боюнча мыкты журналисттик иликтөө үчүн өткөн сынакта 3-орунду алды. Ал "Супер-Инфо" гезитине жарыяланган "5 баласын социалдык кызматкерлерге алдырган эне" деген макаласы үчүн сыйланды.

Ошондой эле гезиттин дагы бир кабарчысы Гүлжан Асанкожоева сынакта “Камакка алуу, мыйзамсыз кармоо, уруп-сабоо жана кыйноолорго байланыштуу маселелерди чагылдыруу боюнча” атайын номинациясында кызыктыруучу сыйлыкка ээ болду. Ал "Супер-Инфо" гезитине жарыяланган «Аскерге кеткен уулумдун көк ала болгон сөөгү келди» деген макаласы үчүн сыйланды.

Аталган сынак адам укуктары менен эркиндиктерин сыйлоого жана сакталышына көмөктөшүү максатында өтүп, ага жалпысынан гезит, радио жана интернет басылмаларында иштеген 65 журналисттин материалы келип түшкөн. Уюштуруу тобу алардын ичинен 9 журналисттин иликтөөсүн тандап алып, сыйлык берди. Сынакты Согушту жана тынчтыкты чагылдыруу боюнча институту (IWPR) уюштурду.