Президент Алмазбек Атамбаев иш сапары менен Катар мамлекетине барды

Бүгүн, 14-декабрда президент Алмазбек Атамбаев иш сапары менен Катар мамлекетине барды. Бул тууралуу президенттин басма сөз кызматы билдирди.

Белгилей кетсек, бүгүн Алмазбек Атамбаевдин Кувейтке жасаган расмий сапарынын алкагында аталган мамлекеттин эмири шейх Сабах аль-Ахмад аль-Жабер аль-Сабахтын катышуусу менен өлкө башчысын расмий узатуу аземи өткөрүлгөн. Президент Алмазбек Атамбаевди расмий узатуу аземинин жүрүшүндө Кыргыз Республикасынын жана Кувейт мамлекетинин гимндери аткарылды, андан соң мамлекет башчылары ардактуу кароолдун ротасынын катарын кыдырып чыгышты.