Чүй. Садовое айылында аял 4 жыл чогуу жашаган адамды өлтүрүп салды

7-декабрдан 8-декабрга караган түнү Чүй облусундагы Москва районунун Садовое айылында аял чогуу жашаган адамды өлтүрүп салды. Бул тууралуу облустук милициянын басма сөз кызматынан билдиришти.

Маалым болгондой, милицияга бул окуя боюнча маалымат түшүп, тергөө тобу ошол жерге барып, кылмышка шектүү аялды кармашкан. "К.С. аттуу аял А.Г. аттуу жаран менен 4 жыл чогуу жашаган, бирок нике каттоосуна турушкан эмес. Окуя болгон күнү алар арак ичип отурушкан. Алардын ортосунда чыр чыгып, аял жолдошун бычак менен сайган. Жарадар болгон адам ошол жерден көз жумган. Бул факт боюнча тергөө амалдары жүрүп жатат",- деп жазылат маалыматта.