Клубдар аралык Дүйнө чемпиондугу-2015: "Барселона" кытайлык клубду 3:0 эсебинде утуп, финалга чыкты. Луис Суарес 3 гол жаратты

Бүгүн, 17-декабрда Японияда футбол боюнча клубдар аралык Дүйнө чемпиондугунун жарым финалдык беттештери өтүп жатат. Алгачкы беттеште Европанын Чемпиондор Лигасын уткан испаниялык "Барселона" Азиянын чемпиону кытайлык “Гуанчжоу Эвергранд” менен беттешти. Испаниялыктар беттештин алгачкы мүнөттөрүнөн тарта топко ээлик кылып, атаандашын топсуз чуркоого мажбур кылышты. Топко ээлик кылуунун пайыздык көрсөткүчүнө токтолсок, "Барса" 70 пайыз топту ээлеп жатты.

Оюнда "Барселонанын" чабуулчусу Луис Суарес 3 гол жаратуу менен командасын финалга алып чыкты. Ал 2 голду оюнда жаратса, 1 голду пенальтиден киргизди. "Барселонанын" финалдагы атаандашы 18-декабрь түнү белгилүү болот.

Дагы бир финалдык жолдомо үчүн үй ээси "Санфречче Хиросима" аргентиналык "Ривер Плейтке" 0:1 эсебинде утулуп калды.

Кошумчалай кетсек, мелдешке Азия, Океания, Европа, Африка, Латын Америка, Түндүк Американын клубдар арасындагы чемпиондору катышты.