Орусияда мыйзамсыз жүргөн кыргыз жаранын алып калыш үчүн полицияга пара берген орусиялык ишкерге жарым миллион рублдан ашуун айып пул салынды

Орусияда мыйзамсыз иштеп жүргөн Кыргыз Республикасынын жаранын алып калыш үчүн полицияга пара берген орусиялык ишкер 600 миң рубль айыпка жыгылды. Муну орусиялык басылмалар жазып чыгышты.

Маалым болгондой, Красноярск шаарынын Ленин районунда 53 жаштагы тургун кыргыз жергесинен келген жарандарды курулушта иштетчү. "Кыргыз жараны 2015-жылдын апрель айында полиция кызматкерлеринин колуна түшкөн. Ишкер мигрантты депортациядан сакташ үчүн укук коргоо органдарына 20 миң рубль пара сунуштаганда, полиция кызматкери парадан баш тартышкан. Бул факт боюнча "кызматтагы адамга пара берүү" беренесинин негизинде кылмыш иши козголуп, материалдар сотко жөнөтүлгөн. Соттун чечими менен орусиялык ишкерге 600 миң рубль айып пул салынды",- деп жазышат басылмалар.