"Bala Turkvizyon-2015": Жеңүүчү аталган Азербайжан сынактан четтетилип, 1-орунду казак ырчысы багындырды. Мекендешибиз Айдин Нурдинов 3-орунду ээледи

Балдар арасында өткөн "Bala Turkvizyon-2015" Эл аралык ыр сынагында мекендешибиз Айдин Нурдинов 4-орунду ээледи. Сынактын расмий сайты катары көрсөтүлгөн сайттарда анын 2-орунду ээлегени жазылган. Ал эми башка маалымат булактарына таянсак, ал 4-орунду ээлеген.

Быйыл алгачкы ирет өтүп жаткан сынакка 13 мамлекеттин жаш таланттары катышты. Жаш категориясына токтолсок, катышуучулар 8 жаштан 14 жашка чейинки ырчылар болушту. Жыйынтыгында Азербайжандын 2 өкүлү дуэт ырдап, 1-орунду ээлеген, бирок калыстар кийин ал жаш ырчылардын биринин жашы жетпегени үчүн (жобо боюнча 8 жаштан жогору болмок, ал 5 жашта болчу) сынактан четтетишкен. Жыйынтыгында орундар жылышып, 2-орунду ээлеген Казакстандын өкүлү Эркин Турсынхан 1-орунга көтөрүлдү. 2-орунга Грузиянын өкүлү өз атын жазса, 3-орунга мамлекетибиздин атынан барып, "Кыргыз бийи" чыгармасын аткарган Айдин Нурдинов көтөрүлдү.