Супер-Инфо
super.kg видео
ЭЛДИК КАБАР: "Чоң энеси небересин эрини кесилгенде ооруканага алып келген бойдон кайра кайрылбай, баланын оозу ириңдеп кеткени айтылууда" дейт окурман
Ат-Башы районундагы Үй-бүлөлүк дарыгерлер борборуна 1 апта мурун чоң энеси 6-7 жаштардагы Бакай аттуу небересин алып келип, ойноп жатканда жыгылып, эрини кесилип кеткенин айткан. Бул тууралуу 21-декабрда SUPER.KG порталына WhatsApp аркылуу байланышкан окурман билдирди.
"Баланын эрини кесилген, сол колунда учтуу нерсе менен сайылгандагы из калган. Ал өзү коркуп калгандыктан, эч нерсе айткан жок. Алган жарааты жыгылганга окшобойт, кырлары тегиз жана айланасында көгөргөн белгилер болгон эмес.
Көрсөтүлгөн медициналык жардамга акчасы жок болгондуктан, төлөй албай кетишкен. Эрининдеги тигилген жерди тазалап туруу керек эле, ооруканага келбей жатат. Кошуналарынын айтымында, балага анын агасы бычак сайып алган. Балдардын ата-энеси ажырашып, апасы Орусияда иштеп жүргөнү белгилүү болду",- деген окурман баланын келечеги үчүн ага жардам керектигин кошумчалаган.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
0
биринчи жардамды бериш керек,акчасы
барбы жокпу.Ат-Башынын медиктери
жумушка эмне максат менен барышарын
унутпаса жакшы болот эле.Баланын
акыбалын коруп боорум ачыды.
Сакайып кетсин