КМШга мүчө мамлекеттердин тышкы чек араларында чек ара коопсуздугунун коркунучуна тез жооп кайтаруу үчүн эксперттер тобун түзүүгө багытталган мыйзам долбоору каралды

КМШга мүчө мамлекеттердин тышкы чек араларында чек ара коопсуздугунун коркунучуна тез жооп кайтаруу үчүн чек ара ведомстволорунун биргелешкен эксперттер тобу түзүлөт. Буга байланышкан ратификациялык мыйзам долбоорун Жогорку Кеңеш карап, 2-окууда добуш берүүгө жиберди.
Мамлекеттик чек ара кызматынын берген маалыматына ылайык, эксперттер тобунун башкы кеңсеси Орусиянын Москва шаарында жайгашат. Эгерде чек арада кандайдыр бир жагдай жаралып калып, иликтеп чыгуу сунушу берилсе, эксперттик топ Москвадан келип иликтеп чыгат.