Социалдык өнүгүү министрлиги: Быйыл жарандарга жөлөк пул катары кошумча 32,2 миллион сом берилди

Эмгек жана социалдык өнүгүү министрлиги 2015-жылы ай сайын берилүүчү жөлөк пул катары кошумча 32,2 миллион сом төлөдү. Бул тууралуу мекеменин басма сөз кызматы 24-декабрда билдирди.

Жөлөк пул КРнын 2012-жылдагы "Апрель, Июнь окуяларында жабыркагандарды жана каза болгондордун жакындарын социалдык жактан коргоо жөнүндө" мыйзамына ылайык төлөндү. Кошумча социалдык жөлөк пулдун өлчөмү 3700 сомду түзөт. Мындан сырткары каза болгон жарандардын жашы жете элек балдарына, жалгыз баласы каза болгон пенсия курагындагы ата-энелерге, ден соолугунун мүмкүнчүлүгү чектелгендерге да кошумча жөлөк пул берилди.