Президент УКМКнын төрагалыгына эмне үчүн Абдил Сегизбаевди дайындаганын айтты

Президент Алмазбек Атамбаев бүгүн, 24-декабрда маалымат жыйынында УКМКнын төрагалыгына эмне үчүн Абдил Сегизбаевди дайындаганын айтты. Анын билдиришинче, мындай кадам - учурдун талабы.

"Биринчиден, Сегизбаев профессионалдуу чекист, учурдагы менин кеңешчим Бусурманкул Табалдиев менен эки жыл тыгыз иштешти. Экинчиден, ал аналитика тармагына жооптуу болчу. Менимче, аналитика - эң маанилүүсү. Бүгүнкү күндө "Ислам мамлекети" жана башка террордук топтор жүргүзүп жаткан пропаганданы токтотуу керек. Сегизбаев муну жасай алат деп ишенем.
Акаевдин кадры дешет. Эгерде ал өлкөнүн эмес, өзүнүн кызыкчылыгын ойлосо, башка кызматты сурамак. Кийинки президент Сегизбаевди кызматтан баары бир алып салат",- деди өлкө жетекчиси.