Бишкекте “Балдардын жүрөктөрүн жылыталы” аттуу кайрымдуулук концерти өттү (фото)

Бишкекте “Балдардын жүрөктөрүн жылыталы” аттуу кайрымдуулук концерти өттү. Бул тууралуу бүгүн, 25-декабрда КРнын Тоо-кен, металлургия кесиптик бирлигинен билдиришти.

Маалым болгондой, кечээ, 24-декабрда К.Молдобасанов атындагы Улуттук консерваторияда балдар үйлөрүнүн 200гө жакын тарбиялануучулары катышкан майрамдык концерт уюштурулду. Ар бир балага белектер берилип, кыргыз эстрада жылдыздары Мирбек Атабеков, Нэна, Айнура Салахидинова жана башкалар жагымдуу ырларын аткарышты. Мындан тышкары “Ала-Тоо” КВН командасы балдарды күлкүгө бөлөсө, “We'll Be”, “Политех” бий топтору заманбап бийлерди тартуулашты.