Ош шаарында 2 жаш бала сууга чөгүп, биринин жансыз денеси табылды. Бирин издөө иштери уланууда

27-декабрда саат 18:10 чамасында шаардын батыш тарабындагы Көкүмбий көчөсүндө жайгашкан балык базасындагы сууга эки жаш бала чөгүп кеткен. Ага-ини бул эки баланын бирөөсүнүн (7 жашар) жансыз денесин атасы алып чыккан. Бул тууралуу ӨКМнын басма сөз кызматы кабарлайт.

Маалыматка ылайык, окуя болгон жерге саат 18:22 чамасында Ош шаардык куткаруу кызматынын куткаруучулары менен Республикалык өзүнчө куткаруу отрядынын куткаруучулары барышып, болжол менен туурасы 80-90 метр, узундугу 150-160 метр, тереңдиги 1,5-2,5 метр келген суудан дайынсыз болуп жаткан 5 жашар баланы издөө иштерин жүргүзүштү. Издөө иштери натыйжа бербегенинен улам 22:40та издөө иштери токтотулган.

2015-жылдын 28-декабрында саат 08:00дөн тарта издөө иштери улантылууда.