Бишкек шаарынын жана Сокулук районунун айрым жерлеринде электр жарыгы өчүрүлөт

Бүгүн, 15-мартта саат 9:00дөн 17:00гө чейин Бишкектин бир катар көчөлөрүндө электр жарыгы өчүрүлөт. Айта кетсек, шаардагы Ремесленный, Броннированный көчөлөрүндө электр энергиясын берүү үзгүлтүккө учурайт. “Түндүк электр” ишканасынын маалыматына таянсак, бул аралыкта Сокулук районундагы Биринчи Май, Шалта, Күн-Туу жана Кызыл-Туу айылдарында да электр жарыгы болбойт. Бул өчүрүүлөр тиешелүү көмөк чордондорду оңдоо иштерине байланыштуу болмокчу.