Нооруз майрамына карата борбор шаарда спорттук иш-чара болот

21-март күнү саат 10:00дө Бишкектеги Эски аянтта “Нооруз-2013” аттуу спорттук иш-чара өтөт. Бул тууралуу Бишкек шаардык Дене тарбия  жана спорт боюнча мамлекеттик комитетинин басма сөз кызматы билдирди. Айтылгандай, бул күнү стол тенниси, кол күрөш, оор атлетика, стритбол, күрөш, тогуз коргоол жана шахмат боюнча мелдештер болот. Мындан сырткары таэквондо, каратэ, ушу, грек-рим, эркин күрөш, кулатуу, ордо, дзюдо боюнча да таймаштар орун алмакчы. Иш-чарада улуттук оюндар да уюштурулат.