Жаңы жыл түнү Бишкектеги "Тез жардам" станциясына 650 кайрылуу түштү

Өткөн сутка ичинде Бишкектеги "Тез жардам" станциясына 650 кайрылуу түштү. Белгилүү болгондой, анын ичинен 469 кайрылуу боюнча медициналык тез жардам көрсөтүлүп, 181 кайрылуу боюнча Үй-бүлөлүк медицина борборлоруна багыттама берилсе, 89 адам ооруканаларга жаткырылды. Бул тууралуу "Тез жардам" станциясынан билдиришти.

Аталган мезгилде "Тез жардам" станциясы тарабынан 5 биологиялык өлүм, белгисиз адамдар тарабынан сабалган 2 факт жана 3 жол кырсыгы катталды. Маалыматка караганда, Ибраимов-Токтогул көчөлөрүнүн кесилишинде орун алган жол кырсыгынан 2 адам баш сөөгүнөн жаракат алып, Улуттук госпиталга жеткирилди.