Бишкекте тоноочулук фактысы боюнча 20 жаштагы үч жигит кармалды

Бишкек шаарында тоноочулук фактысы боюнча 20 жаштагы үч жигит кармалды. Ички иштер министрлигинин маалымат кызматынан билдиришкендей, милицияга арыз менен Бишкек шаарынын тургуну кайрылып, 2-январь күнү саат 02:00 чамасында №4-шаардык клиникалык оорукананын жанынан белгисиз үч жигит ур-токмокко алуу менен 2 миң сомун жана уюлдук телефонун алып кетишкенин айткан. Ленин райондук милициясынын кылмыш иликтөө бөлүмүнүн ыкчам кызматкерлери тарабынан иликтөө иштери жүргүзүлүп, кылмышка шектүү катары 20 жаштагы К.М., Т.Б., жана Ж.А. аттуу жигиттер кармалышты. Учурда бул факт боюнча иликтөө иштери жүрүүдө.