Жогорку Кеңештин январь айындагы календардык планы бекитилди

Жогорку Кеңештин Координациялык кеңеши бүгүнкү, 4-январдагы жыйынында парламенттин 6-январда өтө турган жыйынынын күн тартибин бекитти. Жыйында Жогорку Кеңештин январь айындагы календардык планы да бекитилди.

Жогорку Кеңеш 6-январдагы жыйынында "Акционердик коомдор жөнүндө" КРнын мыйзамына өзгөртүүлөрдү жана толуктоолорду киргизүү жөнүндө", "Салыктык эмес төлөмдөр жөнүндө" КРнын мыйзамына толуктоо киргизүү жөнүндө", "Курал жөнүндө" КРнын мыйзамына өзгөртүү киргизүү жөнүндө", "Кыргыз Республикасындагы мамлекеттик-жеке өнөктөштүк жөнүндө" КРнын мыйзамына өзгөртүүлөрдү жана толуктоолорду киргизүү жөнүндө" жана башка бир катар мыйзам долбоорлорун карайт.