Британдык "Financial Times" гезити окурмандарына кыргыз өлкөсүнө саякаттоону сунуштады

Британдык "Financial Times" гезити окурмандарына 2016-жылы саякаттоого жети өлкөнү сунуштады. Алар: Шри-Ланка, Перу, Гренландия, Бразилия, Куба, Түштүк Африка жана Кыргыз Республикасы. Басылманын маалыматы боюнча, тизмени алдыда турган туристтик уюмдардын пикирлеринин негизинде туризм тармагындагы "Butterfield & Robinson" аналитикалык компаниясы түзгөн.

Туристтик агенттиктердин биринин негиздөөчүсү Жонни Бэлби аталган гезитке туристтер азыркы замандын ылдам болгон темпинен алыстап, тынч жерлерге барууну каалагандардын саны көп экенин белгилеп, ал үчүн кыргыз жергеси эң ыңгайлуу жана арзан экенин айткан. Ошондой эле Бэлби кыргыз өлкөсүндөгү 2015-жылы болгон парламенттик шайлоо тынч өтүп, 2016-жылы жалпы улуттук деңгээлде маданий-тарыхый иш-чаралар өтөрүн кошумчалаган.

Эске сала кетсек, буга чейин кыргыз жери альпинизмге да ыңгайлуу экенин британдык "The Guardian" гезити жазган.