Борбордогу №3-шаардык балдар ооруканасына катуу сабалган 3 жаштагы бала жана анын 6 жаштагы эжеси түштү

Борбордогу №3-шаардык балдар ооруканасына катуу сабалган 3 жаштагы бала жана анын 6 жаштагы эжеси түштү. Бул тууралуу бүгүн, 6-январда SUPER.KG порталына күч түзүмдөрүндөгү өздүк булактар билдиришти.

Маалыматка ылайык, эки бир тууган ооруканага Аламүдүн районуна караштуу Үмүт айылынан кечээ алынып келинген. Алдын ала маалыматтарга караганда, балдардын денесинен көк алалар жана алар буга чейин сабалгандыгынын белгилери табылган. Балдардын ата-энеси ажырашып кеткени жана алар чоң энеси менен чоң атасынын колунда багылып жаткандыгы айтылууда. Учурда "балдарды атасы сабаган" деген версиялар да бар. Алар Нарындан алынып келинген. Учурда бардык маалыматтар текшерилип жатат.