Башкы прокуратуранын 10 кызматкери Кытайдан билимин жогорулатып келишет

6-15-май күндөрү Башкы прокуратуранын 10 кызматкери Кытайдын Жогорку элдик прокуратурасынын академиясынан билимин жогорулатып келишет. Бул маалымат 15-мартта башкы прокурор Аида Салянова менен Кытайдын Кыргызстандагы элчиси Ци Даюйдун жолугушуусунда айтылды. Жолугушууда тараптар эки өлкөнүн мындан аркы кызматташуусу тууралуу сүйлөшүштү. Эскерте кетсек, учурда Кыргызстандагы абактарда 5 кытай жараны, ал эми Кытайда 20 кыргыз жараны жаза мөөнөтүн өтөп жатышат.