Терезеден кулап кеткен кош бойлуу аялдын өмүрүн сактап калуу үчүн дарыгерлер аракет көрүүдө

15-мартта Бишкектеги Эне жана баланы коргоо улуттук борборунун 3-кабатынан кулап кеткен кош бойлуу аялдын жана наристенин өмүрүн сактап калуу үчүн дарыгерлер тиешелүү чараларды көрүүдө. Бул тууралуу Саламаттыкты сактоо министрлигинин басма сөз кызматы билдирди. Айтылгандай, бул күнү эртең менен "Тез жардам" кызматы Ош облусунун Өзгөн районунун тургуну, 1993-жылы төрөлгөн кош бойлуу аялды аталган борборго алып келген. Бирок аял мурда акушер-гинекологдордун каттоосунан өткөн эмес, анын жанында тиешелүү документтер жана уюлдук телефону жок болгонуна байланыштуу дарыгерлер кимге кайрылууну билбей жатканы кабарланды.