Супер-Инфо
super.kg видео
Өзбекстандык чек арачылар жарадар кылган кыргыз жараны кайтарылды
Өзбекстан 9-январда кыргыз-өзбек чек арасындагы окуядан жаракат алган кыргыз жаранын Кыргыз Республикасына өткөрүп берди. Мамлекеттик чек ара кызматынын билдиришинче, жарандын абалы канааттандырарлык. Учурда Шамалды-Сай шаарчасындагы ооруканада дарыланууда. Окуяга катышкан кыргыз тараптын башка жарандарына карата ыкчам иликтөө иштери жүрүүдө. Өлкөлөрдүн Чек ара кызматтары конфликтти биргелешип иликтөөнү баштаганы айтылды.
Эскерте кетсек, 9-январда Аксы районунун Сары-Көпүрө аймагындагы такталбаган кыргыз-өзбек чек арасында чыр чыккан. Төрт кыргыз жараны чек араны бойлой жайгашкан суу түтүктөрүн бузууга аракет кылышканы, ал түтүктөрдөн аккан сууну Өзбекстан тарап да пайдаланып келгендиктен, өзбек чек арачылары бузуу аракетин токтотууну буйрушуп, ок чыгарышканы айтылган. Натыйжада кыргыз жарандарынын биринин бутуна ок тийген.
0
Биздин чек арачыларда бир атылган ок үчүн жоопкерчилиги аябай чоң. Анан да аларды атып койсоң, чөө сыяктуу каңшылап башташат. Аксыда бир солдатты биздин чек арада аткан. Ал солдат канын агызбай (пакеттерге агызып) , өзүнүн чек арасына жеткенде агызган.
Натыйжада ызы чуу көп болгон.
Ар бир биздин чек арачыларга, камера бериш керек. Видеобайкоо сыяктуу болот. Мисалы Go pro.