Бүгүн Месси, Неймар жана Роналдунун бири "Дүйнөнүн мыкты футболчусу" аталып, жеңүүчүгө "Алтын топ" сыйлыгы тапшырылат

11-январь футбол сүйүүчүлөрү үчүн көптөн күтүлгөн күн экени талашсыз, анткени бул күнү Эл аралык футбол федерациясынын (ФИФА) версиясы боюнча дүйнөнүн мыкты футболчусу аныкталат. Сыйлыкты салтанаттуу тапшыруу аземи Бишкек сааты боюнча 23:30да башталат. SUPER.KG порталы иш-чарадан кабар алып турмакчы.

Кошумчалай кетсек, "Алтын топ" сыйлыгына талапкерлердин тизмесине Криштиану Роналду, Лионель Месси жана Неймар кирген.

Неймар менен Месси "Барселонанын" курамында өткөн жылы Чемпиондор Лигасын, Испания чемпиондугун жана Испания кубогун утушкан. Август айында Месси "Европанын мыкты футболчусу" болуп табылган (УЕФАнын версиясы боюнча). Криштиану Роналду команда менен жеңишке жетише алган жок, бирок сезондо өз эсебине 61 гол жазып, карьерасында 4-ирет "Алтын бутса" сыйлыгына ээ болгон. Футболчулардын жетишкендиктери жана "Алтын топту" ким алары тууралуу SUPER.KG`нин болжолу менен бул жерден тааныша аласыз...

Бул күнү ошондой эле "Мыкты машыктыруучу" наамы боюнча жеңүүчүлөр аныкталат. Талапкерлердин катарында Хорхе Сампаоли (Чили курама командасы), Луис Энрике ("Барселона") жана Хосеп Гвардиола ("Бавария") сыяктуу машыктыруучулар бар.