Жаштар курамасы жолдоштук беттеште орусиялык "Сатурн" футболдук клубун 2:0 эсебинде утту

22 жашка чейинки курактагы футболчулардан түзүлгөн өлкөнүн жаштар курама командасы "Шериктештик Кубогу-2016" мелдешине Москвада даярдыкты улантууда. Команда кечээ, 12-январда орусиялык "Сатурн" футболдук клубу менен экинчи жолдоштук беттешин өткөрүп, 2:0 эсебинде утуп алды. Жеңиш алып келген голдорду Абай Боколеев жана Аскарбек Салиев киргизди.

Кошумчалай кетсек, бул эки команда 9-январда алгачкы жолдоштук беттешин өткөрүп, 4:2 эсебинде жеңишке жетишкен.

Мелдешке 21 жашка чейинки курактагы футболчулардан түзүлгөн олимпиадалык курамалар катышат. Оюндар 16-24-январь аралыгында Санкт-Петербург шаарында өтөт. 8 команда катыша турган мелдеште кыргыз футболчулары "А" тайпасында Беларусь, Казакстан жана Молдова курамалары менен ойношот.