Акыркы 5 жылда Ысык-Көлдө балыктардын кээ бир түрү жок болуп кетти

Акыркы 5 жылда Ысык-Көлдө балыктардын чабак, майда чабак жана дагы башка түрлөрү жок болуп, кээ бири жоголуу коркунучунда турат. Буга балыктарды уулоо көзөмөлгө алынбаганы себеп. Натыйжада жергиликтүү балыкчылар жумушсуз калып, жергиликтүү базарларда жаңы кармалган балыктар жок болуп жатат. Бул тууралуу БУУнун жаңылыктар жана ММКлар бөлүмү жазып чыкты.

Бүгүнкү күндө Ысык-Көлдүн балык ресурстары изилденип жана балык тармагы менен байланыштуу мыйзамдар иштелип, көлдүн биологиялык ар түрдүүлүгүн сактап калуу чаралары көрүлүүдө. Акыркы 2 жыл аралыгында көлгө 292 миңден ашык майда чабак коё берилген.