Беловодск айылындагы өзгөчө тарбияга муктаж балдардын жатак-мектебинде учурда 52 бала тарбияланууда

Чүй облусунун Москва районундагы Беловодск айылында жайгашкан өзгөчө тарбияга муктаж балдардын жатак-мектебинде учурда 11 жаштан 16 жашка чейинки 52 бала тарбияланууда. Бул тууралуу аталган мектептин улуу тарбиячысы Бакыт Курманов билдирди. “Бул жердеги балдар көчө тарбиясын көрүп калгандыктан, иштешүү кыйын. Арасында ата-энеси барлар да жүрөт, бирок алардын үй-бүлөлөрү начар шартта жашашат”,- дейт тарбиячы. Ошондой эле тарбиялануучулар үчүн тамак-ашына 1 адамга күнүнө 65 сом бөлүнө тургандыгын кошумчалады. “Биздин мектепти Билим берүү жана илим министрлиги каржылайт, бирок өзүбүз дагы кошумча каражат булактарын тапканга аракет кылабыз”,- деди ал.