2015-жылы Талас облусуна 18, Чүйгө 31, Бишкекке 19 көмөк чордон орнотулду

2015-жылы “Түндүк электр” ишканасынын капиталдык салымынын суммасы 769 миллион сомду түздү. Мекемеден 15-январда билдиришкендей, былтыр Бишкек шаарында 44 чакырымга жакын эскирген кабель алмаштырылып, электр энергиясын эсепке алуу жана маалыматтык-ченөө автоматташтырылган системине кошулган 45 миң электр эсептегичтери орнотулду.

Чүй, Талас облустарында 94 чакырымга жакын электр чубалгылары жаңы тартылып жана реконструкцияланганы, 6/10-0,4 чыңалуусундагы кошумча 68 көмөк чордон орнотулганы айтылды. Мунун 31и Чүй облусунда, 19у Бишкек шаарында, 18и Талас облусунда.