Бишкек шаарынын айрым аймактарына карагай көчөттөрү отургузулду

Бишкек шаарын тазалоо иштери жүргүзүлүп, бир топ аймактарга кызыл карагайлар отургузулду. Мэриянын басма сөз кызматы билдиргендей, “Жашылдандыруу” муниципалдык ишканасы тарабынан 16-17-мартта 300 кызыл карагай "Кара жыгач токою" жана "Жеңиш" сейил багына, Чүй-Достоевский-Ауэзов, Шабдан баатыр-Горький көчөсүнөн Ахунбаев көчөсүнө чейин, Токомбаев жана  Пудовкин көчөлөрүнө жаңы көчөттөр отургузулду. Ошондой эле 1625 метр сугат арыктары тазаланып, 123 тонна таштанды чыгарылган.