Алмазбек Атамбаев: "Энергетика системиндеги уурулук көнүмүш адатка айланды"

"Энергетика тармагындагы уурулук көнүмүш адатка айланып калды. Көптөгөн жылдар бою бир системде иштеп келген киши өзгөрө албайт". Бул сөздү бүгүн, 18-мартта Коргоо кеңешинин жыйынында президент Алмазбек Атамбаев айтты. Өлкө башчы Энергетика жана өнөр жай министрлиги кардиналдуу, анын ичинде кадрдык реформаларга муктаж экендигин да баса белгиледи. Айтымында, бул тармакта мурунку бийликтин режими алдында иштеп жүргөн кадрлар дагы деле иштеп жатканына байланыштуу коррупциялык көрүнүштөр токтобой жатат.