Ак-Ордо конушунун жашоочуларынын талаптарын аткаруу үчүн атайын комиссия түзүлөт

Мамлекеттик экологиялык-техникалык инспекция кийинки жумада Сокулук районундагы Ак-Ордо жаңы конушунун суу, свет маселелерин чечүү боюнча атайын комиссия түзөт. Бул тууралуу акыйкатчынын басма сөз кызматынан билдиришти.

Маалыматка караганда, аталган жаңы конуштун тургундары Экологиялык-техникалык инспекцияга кайрылып, суу, свет маселелерин тезинен чечип берүүлөрүн суранышкан. Жаңы конушка свет кире элек. Ал эми жолдорунун абалы начар. 1 тонна сууну 250 сомдон сатып алып ичишерин айтышты. Мектеп, поликлиника сыяктуу социалдык объектилердин бири дагы жок.

Инспекция жетекчилиги жашоочулардын арыз-муңун угуп, маселесин кароону убада кылды, бирок Ак-Ордого трансформаторлорду орнотууга уруксат беришкен жок. Себеби бул контурда айыл чарбасына белгиленген “калк жайгашкан пункт” категориясынан жер тилкесинин трансформациясы жок.