Зым карагайларга жарыя чаптагандарга чара көрүү иштерин жөнгө салуу тапшырмасы берилди

Бишкек мэриясында 19-январда Кубанычбек Кулматовдун жетекчилиги менен чогулуш болду. Чогулушка вице-мэр, райондук администрациялардын башчылары жана түзүмдүк бөлүмдөрдүн жетекчилери катышып, борбор калаанын четиндеги турак жайларды газ менен камсыздоо, кыш мезгилиндеги коммуналдык кызматтардын иштөө тартиби, ошондой эле Санитардык-экологиялык инспекциянын ишин күчөтүү тууралуу маселелер каралды.

Чогулуштун жыйынтыгында "Тазалык" муниципалдык ишканасына таштандыны жакшылап тазалоо, Санитардык-экологиялык инспекциясына зым карагайларга жарыя чаптагандарга чара көрүү иштерин жөнгө салуу, социалдык-маданий имараттарын ар бир турак райондорго куруу тапшырмасы берилди.

Акырында мэр 2016-жылдын аягына чейин шаардын музыкалык мектептеринде оңдоп-түзөө иштерин жүргүзүү, жаңыларын куруу, жер төлө жайларында орун алган мектептерди көчүрүү талабын койду.