Бир аптанын ичинде Кыргызстанга 10 ирет гуманитардык жардам келген

Бир аптанын ичинде Кыргызстанга чет өлкөдөн 10 ирет гуманитардык жардам келген. Бул тууралуу КРнын Социалдык өнүктүрүү министрлигинин басма сөз кызматы билдирет. Маалыматка ылайык, 11-марттан 15-мартка чейин 122 миллион 488 миң 969 сомдук гуманитардык жардам келген. Жардам катары спорт шаймандары, балдардын бут кийимдери, дары-дармектер, кант кызылчасынын аргындаштырылган уруктары жана башкалар берилген. Эскерте кетсек, Социалдык өнүктүрүү министрлиги бул гуманитардык жардамдарды бөлүштүрүп, алардын максатка ылайык колдонулушун көзөмөлдөйт.