Пакистанда университетке болгон кол салуудан көз жумгандардын саны 20дан ашты (фото)

Бүгүн, 20-январда Пакистандын түштүк-батыш тарабында жайгашкан Чарсадда шаарындагы Бача Хан университетине куралданган согушкерлердин тобу кол салды. Имараттын ичинде 3,5 миңден ашуун адам болгон. Кол салуудан каза болгондор 21ге жетсе, жаракат алгандардын саны 50гө жеткенин чет элдик маалымат каражаттары жазышууда. Каза болгондордун төртөө согушчандар.

"Окуя болгондон көп өтпөй күч органдары барып согушкерлер менен дээрлик 3 саат атышты. Алардын төртөө жок кылынды. Кол салгандар төртөө болгон деп божомолдоп жатабыз. Балким, андан дагы көп болушу мүмкүн. Университетти толугу менен курчоого алып, ичиндегилерди бошоттук",- деп билдирди “Техрик-е Талибан Пакистан” кыймылынын командири.

Алардын биринчи курмандыгы 50 жаштан ашып калган профессор болду. Профессордун окко учканына күбө болгон студент Захур Ахмед: "Агай экөөбүз залда келе жатканбыз, алдыбыздан эки куралданган адам чыгып ок чыгара баштады. Мен жашынганга үлгүрүп калдым, бирок агайга ок кандай келип тийгенин өз көзүм менен көрдүм", - деп айтып берди маалымат каражаттарына.