Президенттин атынан "Датка-Кемин" долбооруна салымы бар инженер Өмүрбек Убайдиллаевдин үй-бүлөсүнө Ардак грамота тапшырылды

Президенттик аппараттын жетекчисинин биринчи орун басары Улукбек Марипов 20-январда мамлекет башчы Алмазбек Атамбаевдин атынан "Датка-Кемин" долбоорунун ийгиликтүү аякташына салым кошкон “Кыргызстан улуттук электр тармактары” ишканасынын инженери Өмүрбек Убайдиллаевдин үйүнө барып, анын жакындарына Кыргыз Республикасынын Ардак грамотасын тапшырды.

Улукбек Марипов президенттин атынан Өмүрбек Убайдиллаевдин кайтыш болгонуна байланыштуу анын үй-бүлөсүнө көңүл айтып, президент "Датка-Кемин" долбооруна чоң маани берерин жана өлкө үчүн стратегиялык мааниси бар ири энергетикалык долбоордун ийгиликтүү аякташына Өмүрбек Убайдиллаевдин кошкон салымын жогору баалай турганын белгиледи.

Инженердин үй-бүлөсүнө материалдык жардам да тапшырылды.