Өткөн сутка ичинде өлкөдө 8 өрт кырсыгы катталып, Ысык-Ата районундагы үйлөрдүн биринин чатыры күйүп кетти

Өткөн сутка ичинде өлкө аймагында 8 өрт кырсыгы катталып, аларды өчүрүүгө 8 өрт өчүрүү бөлүмү тартылган. Бул тууралуу бүгүн, 22-январда Өзгөчө кырдаалдар министрлигинин басма сөз кызматынан билдиришти.

Маалыматка ылайык, борбор калаада 1, Чүй облусунда 4, Жалал-Абад облусунда 1, Ош шаарында 1, Ысык-Көл облусунда 1 өрт кырсыгы катталды.

Ысык-Ата районуна караштуу 1-Май айылындагы үйлөрдүн биринен өрт чыкты. Анда аянты 24 чарчы метр, жыгач устундуу, шифер жабылган турак үйдүн чатыры күйүп кеткен. Учурда өрттүн келип чыгуу себеби такталууда.