Асылбек Жээнбеков баштаган ЖКнын делегациясы Нарын облусунда иш сапары менен жүрөт

19-20-мартта төрага Асылбек Жээнбеков баштаган Жогорку Кеңештин делегациясы Нарын облусунда иш сапары менен болот. Бул тууралуу ЖКнын басма сөз кызматы билдирди. Делегациянын курамында депутаттар Өмүрбек Текебаев, Чыныбай Турсунбеков, Майрамкүл Тиленчиева, Алмазбек Баатырбеков, Абдыманап Кутушев, Эсенгул Исаков бар. Иш сапардын алкагында Ак-Талаа районундагы социалдык мекемелердин, Баетов айылындагы жер астындагы суулардан жабыркаган турак жайлардын, Э.Карасартов атындагы мектептин абалы менен таанышуу болот. Мындан сырткары депутаттар Ат-Башы районунун Бирлик айылындагы С.Мырзакматов атындагы мектептин абалы менен да таанышат. Делегациянын иш сапары Нарын шаарындагы Жаштар үйүндө коомчулук өкүлдөрү менен жолугушууда аяктамакчы.