Жантөрө Сатыбалдиев оор жүк ташыган унаалар жолдорду бузуп жатканын айтты

"Оор жүк ташыган унаалар жолдорду бузууда",- деп билдирди 19-мартта Бизнести өнүктүрүү жана инвестициялар боюнча кеңешинин жыйынында премьер-министр Жантөрө Сатыбалдиев. Анын айтымында, жолдордун бузулушуна бир катар мамлекеттик мекемелердин күнөөсү бар. “Жолдордун начарлашына Бажы кызматы менен Транспорт жана коммуникациялар министрлигинин күнөөсү бар. Эмне үчүн өкмөттүн өтө оор салмактагы жүктү ташууга салган тыюусу ишке ашпай келет?”- деди өкмөт башчы.