"Кумтөрдө" бир жумушчу кырсыктан улам көз жумду

24-январь күнү кечинде "Кумтөр” кенинде "Кумтөр Голд Компани" компаниясынын бир кызматкери каза болду. Бул тууралуу аталган компаниянын басма сөз кызматынан 25-январда кабарлашты.
Маалыматка караганда, компаниянын алгачкы майдалоо тилкесинде кокустук болуп, андан бир кызматкер каза болгон. Болгон окуя тууралуу маркумдун жакындарына, тиешелүү мамлекеттик органдарга кабар берилип, Жети-Өгүз райондук ички иштер башкармалыгынан түзүлгөн тергөө тобу өз ишин жүргүзө баштады. Мамлекеттик экологиялык жана техникалык инспекция тарабынан окуянын чоо-жайын иликтөө үчүн атайын комиссия түзүлдү.
“Маркумдун эмнеден улам каза болгонун тергөө иштери аяктаганда маалымдайбыз”,- деп айтылат маалыматта.