Ош. Жасалма акча сактоого шектелип эки жаран кармалды

Укук коргоо органдары 2016-жылдын январь айында Кара-Суу районунун Отуз-Адыр айылында иликтөө иштеринин алкагында жасалма акча сактоого шектелген кылмыштуу топтун иш-аракетине бөгөт коюшкан. Бул тууралуу ИИМдин басма сөз кызматы 25-январда билдирди.

Уюшкан кылмыштуулукка каршы күрөшүү башкармалыгынын маалыматына караганда, жасалма 200 доллар менен Жалал-Абад облусунун 1992-жылкы тургуну А.М. менен 1993-жылы Ош облусунда туулган А.Р. кармалган. Экөө тең "Чач" деген каймана аты бар Э.Мурзахметов аттуу жарандын кылмыштуу тобуна кирери белгилүү болгон. Факт боюнча кылмыш иши козголуп, колго түшүрүлгөн жарандар камакка алынган.

Тергөөнүн жүрүшүндө кармалгандардын бири А.Р. 2015-жылы ноябрь айында "общактын" казынасы үчүн деп 2000 доллар акча талап кылгандыгы аныкталган.