20-март күнү Ак үйдүн чатырында соттук көчмө жыйын болот

20-мартта Ак үйдүн чатырында 7-апрель окуясына байланыштуу соттун көчмө жыйыны болот. Айтылгандай, бул жыйынга айыпталып жаткан "Альфа" атайын даярдыктагы аскерлер бөлүгүнүн снайперлери, алардын жактоочулары, жабырлануучулар жана мамлекеттик айыптоочулар катышат. Эскерте кетсек, башында бул жыйын 13-мартка белгиленип, аталган окуя боюнча соттук иштерге төрагалык кылуучу судья Дамир Оңолбековдун ооруп калгандыгына байланыштуу артка жылдырылган болчу.