КРнын Салык кодексине толуктоо киргизилди

Бүгүн, 19-мартта президент Алмазбек Атамбаев “КРнын Салык кодексине толуктоо киргизүү жөнүндө” мыйзамга кол койду. Бул тууралуу президенттик аппараттын маалыматтык саясат бөлүмү билдирет. Мыйзамды Жогорку Кеңеш 14-февралда кабыл алган. Толуктоо кирген мыйзамга ылайык, КРнын аймагына импорттолуучу технологиялык жабдууларды жана ферроэритүүчү мешинин элементтерин жеткирүү кошумча нарк салыгын төлөөдөн бошотулат. Бул мыйзам Таш-Көмүр шаарына ферроэритүүчү заводун куруу долбоору боюнча инвесторлор үчүн жагымдуу шарттарды түзүүгө багытталган.